Todays Nepal
No1 Nepal's Complete News Sites

‘अहिले गाउँगाउँमा सिंहदरबार हैन भ्रष्टचार गयो ,‘अब भ्रष्टचार विरुद्ध नयाँ शक्ति पार्टीले काम गर्छ ’

8,689

नेपाल कम्युनिस्ट पार्टी (नेकपा) ठुलो नभइ सुन्निएको पार्टी भएको नयाँ शक्ति पार्टीका संयोजक बाबुराम भट्टराइले बताएका छन् । नयाँ शक्ति नेपालको स्थापनाको दोस्रो वर्ष पुरा गरेको अवसरमा बुधबार राजधानीमा आयोजित विशेष संघीय भेलामा भट्टराइले यस्तो बताएका हुन् ।

‘नेकपा हेर्दा मात्र ठुलो जस्तो देखिएको हो, वास्तविक रुपमा सुनिएको चाहीँ हो’ उनले भने । साथै उनले गाउँगाउँमा सिंहदरबार नभइ भ्रष्टचार मौलाएको समेत बताए । ‘अहिले गाउँगाउँमा सिंहदरबार हैन भ्रष्टचार गयो ।’ उनले भने, ‘अब भ्रष्टचार विरुद्ध नयाँ शक्ति पार्टीले काम गर्छ ।’

प्रचण्डले आन्दोलनबाट आफुलाई भागेको आरोप लगाएपनि अन्ततः उनी आफै भागेर एमालसँग मिलेको उनले बताए । ‘प्रचण्डले माओवादी आन्दोलनबाट बाबुराम भाग्यो भन्नुहुन्थ्यो तर अहिले प्रचण्ड आफै दाम्लो, किलोसहित एमालेमा जानुभयो ।’ उनले भने, ‘म भागेको हो की प्रचण्ड आफै भागेको यहीँबाट प्रष्ट हुन्छ ।’

साथै संविधान जारी भएपश्चात आफुले प्रचण्डलाई नयाँ पार्टीको प्रस्ताव गरे पनि नमानेको भट्टराइले बताए ।‘प्रचण्डजीलाई संविधान जारी भएपछि माओवादीको उपयोगिता सकियो, अब नयाँ पार्टी सुरु गरौं भनेको थिए ।’ उनले भने, ‘तर वहाँले त्यसबेला मान्नु भएन ।’

प्रचण्डले सबै कार्यकर्ताहरुलाई आफ्नो पछाडि राख्दै अन्ततः एमालेमा मिसाइदिएको आराप लगाए । उनले आफुले विद्यालयमा पढेकोे कथा सँग माओवादी एमालेसँग मिसिएको प्रसंग जोडेका छन् । ‘एकादेशमा एउटा पाइपर हुन्थ्यो, जसले मिठासपुर्ण धुनमा बासुरी बजाएर मुसाहरु जम्मा गथ्र्यो । एक दिन पाइपरले मिठो धुनमा सबै मुसाहरुलाई आफ्नो पछिपछि लग्दै अन्ततः समुन्द्रमा डुबायो ।’ उनले भने, ‘त्यस्तै मधुर धुनमा कार्यकर्ताहरुलाई पछि लगाएर प्रचण्डले सबैलाई एमालेमा हाल्दिनुभयो ।’

नयाँ शक्ति पार्टी स्थापना भएको आज दुई वर्ष पुगेको छ । ३० जेठ ०७३ मा डा. बाबुराम भट्टराईको नेतृत्वमा दशरथ रंगशालामा आयोजित विशेष समारोहमा नयाँ शक्ति पार्टी गठन भएको थियो । स्थापना दिवसको अवसरमा वानेश्वर देखि बबरमहलसम्म र्याली निकालिएको थियो । नयाँ शक्ति पार्टी स्थापना दिवस तथा राष्ट्रिय युवा अभियानको राष्ट्रिय भेलाको उद्घाटन राजधानीको कार्की पार्टीप्यालेसमा गरिएको हो ।

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: