Todays Nepal
No1 Nepal's Complete News Sites

राजधानीमा भने जस्तो घडेरी नपाएर दिक्दार हुनु भएको छ ? दलालकोमा होइन, यहाँ जानुस् सरल मूल्यमा पाइन्छ !

9,676

तपाई राजधानीमा घर बनाउनका लागि जग्गाको खोजीमा हुनुहुन्छ ? या त भने जस्तो घडेरी नपाएर दिक्दार हुनु भएको छ ? कतै घडेरी किन्न दलालको पछि त लाग्नु भएको छैन ? अब तपाईको यी सब चिन्ता समाधान हुने भएको छ । अहिले मनोहरा जग्गा एकीकरण आयोजनाले न्युनतम १६ लाखदेखि २४ लाख रुपैयाँमा तपाईले चाहेको जस्तै घडेरी बिक्री खुला गरेको छ ।

आयोजनाले सरकारी दरमै घडेरी बिक्री खुला गरेको हो । घडेरी किन्न चाहानेले ३५ दिनभित्र बोलपत्र पेश गर्नुपर्ने छ । कुल कवोल अंकको १० प्रतिशत रकम बैंकमा जम्मा गर्नुपर्ने आयोजनाले जनाएको छ । आयोजनाले काठमाडौं महानगरपालिका वडा नम्बर ३२ अन्तर्गत पर्ने ४४ आनाको १४ वटा घडेरीहरु बिक्री गर्न लागेको हो । बिक्री गर्न लागेको १४ कित्ता घडेरीमध्ये सबैभन्दा महंगो दक्षिण पश्चिम मोहडा फर्किएकोे प्लट नं ४६ रहको छ । २.९७९ आना रहेको सो घडेरीको न्युनतम मूल्य २४ लाख २१ हजार तोकेको छ । यस्तै सबैभन्दा सस्तो प्लट नम्बर १०९ र १०८ को न्युनतम मुल्य १६ लाख ८ हजार रहको छ ।

आयोजनाले काठमाडौं र भक्तपुरमा पर्ने २ हजार २०० रोपनीलाई प्लानिङ गरी घडेरीहरु बिक्री गर्न लागेको हो । यसैगरी प्लट नम्बर २२, २७, २९, ३२, ३६, ४४, ४५, को न्युनतम मूल्य १८ लाख २३ हजार प्रतिआना तोकेको छ । यस्तै प्लट नम्बर ५० र १०७ को २२ लाख ५२ हजार, प्लट नम्बर २९ र ११५ को न्युनतम मूल्य १९ लाख ३२ हजार तोकेको छ ।१४ वटा घडेरीहरु टेण्डर प्रक्रियाबाट बेच्न लागिएको आयोजना प्रमुख नारायण भट्टराईले जानकारी दिएका छन् ।

उनका अनुसार घडेरी व्यक्ति, संस्था जो कोहिले किन्न सक्ने छन् । घडेरी खरिद गर्नका लागि ग्राहकले पहिले नै न्युनतम रकमको १० प्रतिशत रकम बुझाउने पर्नेछ । बैंकमा रकम बुझाएपछि आफूले घडेरीलाई तिर्न सक्ने जति रकम कवोल गरी टेण्डर प्रक्रियामा भाग लिनु पर्नेछ । बिक्री गर्न लागिएका सबै घडेरीहरु व्यक्तिको रहेको आयोजना प्रमुख भट्टराइले जानकारी दिए । यसरी बेचिने घडेरीहरुमा ग्राभेल सडक, नदि नियन्त्रण, ढल व्यवस्थापन लगायतको सुविधा हुनेछ ।

आयोजनाका अनुसार घडेरी बिक्री भएको ४ प्रतिशत रकम सोहि प्लानिङको पुर्वाधारमा खर्च गरीनेछ । आयोजनाले विभिन्न स्थानका २ हजार २०० सय रोपनी जग्गााई विकास गरी बेच्दै आइरहको छ । यसैगरी राष्ट्रिय आवास कम्पनी लिमिटेडले पनि काभ्रेको धुलिखेल लगायत देशका विभिन्न ठाँउमा जग्गा विकास गरी बिक्री वितरण गर्दै आइरहेको छ । अर्थमन्त्री डा. युवराज खतिवडाले घरजग्गा कारोबारलाई अब मान्यता प्राप्त संस्थाबाट मात्रै कारोबार गर्न पाइने व्यवस्था गरेपछि सरकारी संस्थाबाट कारोबार सुरु भएको हो । घरजग्गा कारोबार राष्ट्रिय आवास कम्पनी, मनोहरा जग्गा एकिकरण आयोजना, चमती जग्गा एकिकरण आयोजनाले सुरु गरेको हो ।

किनबेच मात्रै होइन अब अशंबण्डाका नाममा हुने जग्गाको कित्ताकाट समेत रोकिदै

बुटवल-कृषि, भूमि व्यवस्था तथा सहकारीमन्त्री चक्रपाणि खनालले कृषि क्षेत्रमा रहेका सबैखाले एकाधिकार (सिन्डिकेट) अन्त्यका लागि पहल शुरु भएको बताउनुभएको छ । उहाँले कृषक र उपभोक्ताबीचमा रहेको गिरोहको अन्त्यका लागि सरकारले काम शुरु गरिसकेकाले केही दिनमै परिणाम देखिने दाबी गर्नुभयो । रिपोर्टर्स क्लब नेपाल प्रदेश नं ५ कार्यालयले आज बुटवलमा गरेको साक्षत्कार कार्यक्रममा मन्त्री खनालले कृषियोग्य जमिनको खण्डीकरण जसरी पनि रोक्ने प्रतिबद्धता व्यक्त गर्नुभयो ।

जग्गा प्लटिङ रोकिएको भए पनि अशंबण्डाका नाममा हुने कित्ताकाटसमेत रोक्न कडा निर्देशन दिएको उहाँले बताउनुभयो । अंशबण्डाका नाममा भएको जग्गाकारोबार रोक्न त्यस्तो निर्देशन दिएको भन्दै मन्त्री खनालले आम जनतामा नयाँ व्यवस्थाको शुरुआतमा कठिनाइ भए पनि धैर्यता राख्न आग्रह गर्नुभयो । कृषकका लागि हरियो कार्डको व्यवस्था गरी उचित अनुदान, ऋण तथा अन्य सुविधा सरकारले उपलब्ध गराउने भन्दै उहाँले अबको केही समयमा नतिजा आउने गरी कृषि मन्त्रालय काममा जुटेको छ भन्नुभयो ।

कृषिमन्त्रीले मल, बीउ, औजारजस्ता कृषि क्षेत्रका महत्वपूर्ण वस्तुमासमेत सिन्डिकेटको जालो रहेकाले त्यसलाई तोड्ने गरी कार्य भइरहेको बताउनुभयो । उहाँले समयमै कृषकलाई बीउ, मलखाद उपलब्ध गराउन नसक्नु सरकारको कमजोरी भएको स्वीकार गर्दै अब त्यो समस्या समाधान हुने बताउनुभयो ।

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: