Todays Nepal
No1 Nepal's Complete News Sites

यी जापानी भन्छन् – ‘अंग्रेजी बोलेर देश विकास हुँदैन, नेपाली भाषा बोल

8,831

नेपाली कला, संस्कृति र भाषाको आफ्नै महत्व छ र यसको अलग्गै पहिचान छ। तर पश्चिमा संस्कृति र आधुनिक जीवनशैली अपनाउने होडमा नेपाली भाषा तथा संस्कृति ओझेलमा परिरहेको छ।

जापानका हारुहितो नोजु नेपाली भाषा विज्ञ तथा अनुसन्धानकर्ता हुन्। धेरै वर्ष अगाडी नेपाल आएका उनले नेपाली भाषामा अनुसन्धान गरेका छन्। उनले जापानी साहित्यलाई नेपालीमा र नेपाली साहित्यलाई जापानी भाषामा अनुवाद गरेका छन् भने नेपाली टेलिचलचित्र निर्देशन समेत गरेका छन्।

हारुहितो नेपाल आउँदा सडकमा गाडीभन्दा गाई गोरु धेरै थिए । अहिले नेपालमा भएको भौतिक विकासले उनलाई खुशी लाग्छ। तर, उनलाई नेपालले विकासको जुन बाटो समात्नुपर्थ्यो, त्यो नसमातेको जस्तो महसुस हुन्छ।

देश विकासमा भाषाको ठूलो भूमिका हुन्छ। जापानले विकासका सुरुका दिनमा संसारभर छरिएका जापानिजलाई देश फर्किन आग्रह गरेको थियो र देशभित्रै सबैले रोजे अनुसारको विषय पढ्न पाउने शैक्षिक पूर्वाधार तयार गरेको उनको भनाई छ ।

स्कुल तथा कलेज सबैतिर जापानिज भाषामा मात्र पढाउने, कार्यालयमा जापानिज भाषा पढ्ने व्यवस्था भयो । जसले गर्दा सबैले समान रुपमा आफ्नै देशमा पढ्न तथा काम गर्न पाए । अरु भाषा आवश्यक पर्ने परिस्थितिको लागि अनुवादकको रुपमा विद्यार्थीले आफ्नो करियर पनि बनाए।

तर, नेपालमा कुनै टिभी च्यानलमा कार्यक्रम हेर्दा, कार्यक्रम संचालकले अंग्रेजीमा बोलेको सुनेपछि, अंग्रेजी शब्द मिसाएर बोलेको सुनेपछि उनलाई खिन्न लाग्छ। उनी भन्छन् , नेपालको आफ्नै भाषा र पहिचान हुँदाहुँदै, कसको उपनिवेश बन्न खोजिरहेको छ नेपाल ?

भिडियो हेर्नुस :

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: